School Morning Prayer Activities 24.09.2026

*பள்ளி காலை வழிபாட்டு செயல்பாடுகள்*

📅 24.09.2026

🚀 மங்கள்யான்

📜 திருக்குறள்

பால்: பொருட்பால்

இயல்: அரசியல்

அதிகாரம்: 51. தெரிந்து தெளிதல்

குறள் எண்: 501

«அறம்பொருள் இன்பம் உயிரச்சம் நான்கின்

திறந்தெரிந்து தேறப் படும்.»

பொருள்:

அறம், பொருள், இன்பம், தன் உயிருக்கு அச்சம் ஆகிய நான்கின் தன்மைகளையும் ஆராய்ந்தறிந்த பிறகே ஒருவரை நம்ப வேண்டும்.

---

🌱 பழமொழி

“Sadness and gladness succeed each other.”

“வறுமை ஒரு காலம்; வளமை ஒரு காலம்.”

---

🌟 இரண்டொழுக்கப் பண்புகள்

1. 🐦 காகம் ஒற்றுமையையும், 🐝 தேனீயும் 🐜 எறும்புகளும் சுறுசுறுப்பையும் நமக்குப் போதிக்கின்றன.

2. 🌿 இயற்கையைப் பாதுகாப்பதோடு மட்டுமல்லாமல், அவற்றிடமிருந்து நல்ல பாடங்களையும் கற்றுக்கொள்வேன்.

---

💬 பொன்மொழி

“அன்பு செலுத்தி அன்பைப் பெறு; மரியாதை செலுத்தி மரியாதையைப் பெறு. நிச்சயம் வாழ்வில் உயர்வாய்!”

---

💡 Thought for the Day

🌐 Translation Day:

“Different languages, shared understanding.”

“மொழிகள் வேறுபட்டாலும், புரிதலும் மனிதநேயமும் ஒன்றே.”

---

🧠 பொது அறிவு

1. தேசிய அறிவியல் தினம் எப்போது கொண்டாடப்படுகிறது?

👉 பிப்ரவரி 28.

2. தேசிய அறிவியல் தினம் பிப்ரவரி 28 அன்று கொண்டாடப்படுவதன் நோக்கம் என்ன?

👉 சர் சி.வி. ராமன் கண்டுபிடித்த “ராமன் விளைவு” கண்டுபிடிப்பை நினைவுகூரும் வகையில் தேசிய அறிவியல் தினம் கொண்டாடப்படுகிறது.

---

📖 English Words

1. Feasible – Achievable – சாத்தியமான / செயல்படுத்தக்கூடிய

2. Arbitrary – Random – தன்னிச்சையான / காரணமற்ற

---

🌍🌱 புவியியலும் சுற்றுச்சூழலும்

🏘️ பேரூராட்சியின் முக்கியப் பணிகள்

பேரூராட்சியின் முக்கியப் பணிகளில்:

- 💧 குடிநீர் வழங்குதல்

- 🛣️ சாலைகள் மற்றும் தெருக்களைப் பராமரித்தல்

- 💡 தெருவிளக்குகளை அமைத்து பராமரித்தல்

- 🧹 தூய்மைப் பணிகளை மேற்கொள்ளுதல்

- ♻️ குப்பை மேலாண்மை செய்தல்

ஆகியவை அடங்கும்.

---

📝 NMMS – MAT

☀️ உலகில் சூரிய ஆற்றலை அதிகம் பயன்படுத்தும் நாடுகள்

(1) இந்தியா, சீனா, ஜப்பான், இத்தாலி

(2) ஜெர்மனி, ஸ்பெயின், கனடா, பிரேசில்

(3) ரஷ்யா, நார்வே, இந்தியா, கிரீன்லாந்து

(4) இந்தியா, அமெரிக்கா, கனடா, இத்தாலி

✅ விடை: (1) இந்தியா, சீனா, ஜப்பான், இத்தாலி

---

🚀 செப்டம்பர் 24 – மங்கள்யான்

2014 – இந்திய விண்வெளி ஆய்வு நிறுவனம் (ISRO) அனுப்பிய மங்கள்யான் விண்கலம் செவ்வாயின் சுற்றுப்பாதையில் வெற்றிகரமாக நிலைநிறுத்தப்பட்டது.

---

🌸 நீதிக்கதை

🌱 யார் இகழ்ந்தாலும் பயப்படாதே

ஒரு சிறிய கிராமத்தில் அருண் என்ற சிறுவன் வாழ்ந்து வந்தான். அவன் அமைதியானவனாகவும், முயற்சி செய்து கற்றுக்கொள்ளும் பழக்கம் கொண்டவனாகவும் இருந்தான்.

ஒருநாள் பள்ளியில் ஆசிரியர் அனைவரிடமும் ஓவியம் வரையச் சொன்னார்.

அருண் மிகவும் ஆர்வமாக ஓர் அழகான இயற்கைக் காட்சியை வரைந்தான். ஆனால் சில மாணவர்கள் அவனைப் பார்த்து,

“உன்னால் நல்ல ஓவியம் வரையவே முடியாது!” என்று கேலி செய்தனர்.

முதலில் அருணுக்கு வருத்தமாக இருந்தது. ஆனால் அவர்களின் வார்த்தைகளைக் கண்டு அவன் பயப்படவில்லை.

“நான் இப்போது சிறப்பாகச் செய்யவில்லை என்றாலும், தொடர்ந்து முயற்சி செய்தால் நிச்சயம் முன்னேறுவேன்,” என்று தன்னம்பிக்கையுடன் நினைத்தான்.

அன்றிலிருந்து தினமும் சிறிது நேரம் ஓவியம் வரையப் பயிற்சி செய்தான். சில மாதங்களில் அவனுடைய ஓவியங்கள் மிகவும் அழகாக மாறின.

பள்ளியில் நடைபெற்ற ஓவியப் போட்டியிலும் அவன் பரிசு பெற்றான்.

அப்போது முன்பு அவனைக் கேலி செய்த மாணவர்கள், “அருண், நீ உண்மையிலேயே நன்றாக வரைந்திருக்கிறாய்!” என்று பாராட்டினர்.

அருண் புன்னகையுடன்,

“யாராவது நம்மை இகழ்ந்தால் அதைக் கண்டு பயப்படவோ, மனம் தளரவோ கூடாது. நம்முடைய முயற்சியைத் தொடர்ந்து செய்ய வேண்டும்,” என்றான்.

🌟 நீதி:

யார் இகழ்ந்தாலும் பயப்படாமல், தன்னம்பிக்கையுடன் நம் முயற்சியைத் தொடர்ந்து செய்தால் வெற்றி பெறலாம்.

---

📰 இன்றைய செய்திகள்

📅 24.09.2026

🗒️ செப்டம்பர் 23-ஆம் தேதி தமிழ்நாட்டில் ஆண்டுதோறும் உறுப்பு தான விழிப்புணர்வு நாளாக கடைப்பிடிக்கப்படுகிறது.

🗒️ அரசு விடுதிகளில் தங்கி பயிலும் மாணவர்களின் குறைகளை விரைவாகத் தீர்க்கும் வகையில் 24 மணி நேரக் கட்டுப்பாட்டு அறையை சமூக நீதித்துறை அமைச்சர் வன்னி அரசு திறந்து வைத்தார்.

🗒️ செப்டம்பர் 28 முதல் 30 வரை மூன்று நாள் நாடு தழுவிய வங்கி வேலைநிறுத்தத்திற்கு வங்கி தொழிற்சங்கங்கள் அழைப்பு விடுத்துள்ளன. இதனால் செப்டம்பர் 26, 27 வார இறுதி விடுமுறைகளுடன் சேர்ந்து கிளை வங்கிச் சேவைகளில் நீண்ட இடையூறு ஏற்பட வாய்ப்புள்ளது.

🗒️ அமெரிக்காவின் வடகிழக்கு பகுதியில் தகவல் தொடர்பு இணைப்பு கோளாறு காரணமாக விமானப் போக்குவரத்தில் பெரும் பாதிப்பு ஏற்பட்டது. நெவார்க் விமான நிலையத்தில் மட்டும் 600-க்கும் மேற்பட்ட விமானங்கள் ரத்து செய்யப்பட்டதாக AP தெரிவித்துள்ளது.

---

🏸 விளையாட்டுச் செய்திகள்

🏸 ஆசிய விளையாட்டுப் போட்டியில் வெண்கலப் பதக்கம் வென்ற தமிழக பேட்மிண்டன் வீரர் ஹரிஹரனுக்கு, தமிழ்நாடு அரசு சார்பில் ₹30 லட்சம் ஊக்கத்தொகை அறிவிக்கப்பட்டுள்ளது. முதலமைச்சர் விஜய் அவருக்கு வாழ்த்து தெரிவித்துள்ளார்.

---

🇬🇧 Today's Headlines

🗒️ September 23 is observed in Tamil Nadu as Organ Donation Awareness Day every year.

🗒️ A 24-hour control room has been opened to address the grievances of students staying in government hostels.

🗒️ Bank unions have called a three-day nationwide strike from September 28 to 30, potentially affecting branch banking services.

🗒️ More than 600 flights were cancelled at Newark Airport following a communication failure that disrupted air traffic in the US Northeast.

🏸 Tamil Nadu badminton player Hariharan has been congratulated by Chief Minister Vijay, who announced a ₹30 lakh incentive for his Asian Games bronze-medal achievement.

---

🌳📚 Covai women ICT_போதிமரம்